Presidenti i Republikës, Ilir Meta ka dekretuar mbrëmjen e sotme qeverinë ‘Rama 3’, pasi Prokuroria e Përgjithshme dhe SPAK i kthyen përgjigje për pastertine e emrave të rinj të kabinetit qeveritar. Keto dekerete per qeverine e re i jane derguar kKuvendit.
Presidenti Meta i kërkoi informacion SPAK dhe Prokurorisë së Përgjithshme për sa i përket pastërtisë së emrave të kabinetit të ri të Ramës.
Prokuroria mbrëmë dhe SPAK sot i thanë Metës se asnjë nga kandidatët për ministra në qeverinë ‘Rama 3’ nuk është nën hetim nga ana e tyre.
Rikujtojmë se Meta ka dekretuar edhe Edi Ramën si Kryeministër të Shqipërisë për herë të tretë radhazi, ndonëse para zgjedhjeve parlamentare të 25 prillit përplasja e tyre në distancë ishte mjaft e ashpër. Pas zgjedhjeve, Rama vendosi të shkarkojë Metën, gjë të cilën e arriti bashkë me votat e opozitës së re, por ky vendim pritet të shqyrtohet nga Gjykata Kushtetuese e cila ka të drejtën e fjalës së fundit.
Njoftimi i plote:
REPUBLIKA E SHQIPËRISË
PRESIDENTI
D E K R E T
PËR EMËRIMIN E KËSHILLIT TË MINISTRAVE
Në mbështetje të neneve 93, 95 pika 1, 96, 97, 98, dhe 99 të Kushtetutës, pas zhvillimit të zgjedhjeve të përgjithshme për Kuvendin e Republikës së Shqipërisë të datës 25.04.2021, rezultati përfundimtar i të cilave është shpallur nga Komisioni Qendror i Zgjedhjeve përmes Vendimit nr. 21, datë 13.07.2021, të Komisionit Rregullator, me propozim të Kryeministrit nr. 4281 prot., datë 11.09.2021, si dhe pas administrimit të informacionit prej organeve ligjzbatuese për verifikimin e kandidatëve të propozuar si anëtarë të Këshillit të Ministrave,
D e k r e t o j:
Neni 1
Emërimin e Këshillit të Ministrave me këtë përbërje:
Zoti Edi Rama- Kryeministër;
Zoti Arben Ahmetaj – Zëvendëskryeministër dhe ministër i Shtetit për Rindërtimin dhe Programin e Reformave;
Zonja Olta Xhaçka – Ministër për Evropën dhe Punët e Jashtme;
Zoti Niko Peleshi – Ministër i Mbrojtjes;
Zoti Bledar Çuçi – Ministër i Brendshëm;
Zonja Delina Ibrahimaj- Ministër i Financave dhe Ekonomisë;
Zonja Belinda Balluku – Ministër i Infrastrukturës dhe Energjisë;
Zonja Evis Kushi – Ministër i Arsimit dhe Sportit;
Zoti Ulsi Manja – Ministër i Drejtësisë;
Zonja Elva Margariti – Ministër i Kulturës;
Zonja Frida Krifca – Ministër i Bujqësisë dhe Zhvillimit Rural;
Zonja Ogerta Manastirliu – Ministër i Shëndetësisë dhe Mbrojtjes Sociale;
Zonja Mirela Kumbaro Furxhi – Ministër i Turizmit dhe Mjedisit;
Zonja Elisa Spiropali – Ministër i Shtetit për Marrëdhëniet me Parlamentin;
Zonja Edona Bilali – Ministër i Shtetit për Mbrojtjen e Sipërmarrjes;
Zonja Bora Muzhaqi – Ministër i Shtetit për Rininë dhe Fëmijët;
Zonja Milva Ekonomi – Ministër i Shtetit për Standardet e Shërbimeve.
Neni 2
Ky dekret hyn në fuqi menjëherë.
Nr. Dekretit 13213
Tiranë, më 14.09.2021
PRESIDENTI I REPUBLIKËS
ILIR META
(E.H/Faxweb.al)
