Presidenti i vendit Ilir Meta ka reaguar lidhur me protestën e dhunshme që po zhvillohet në këto momente nga opozita e bashkuar përpara kryeministrisë. Meta thotë se është duke ndjekur me vëmendje protestën, dhe bën thirrje që të shmangen elementët e dhunshëm.
Reagimi i presidentit.
Presidenti i Republikës, Sh.T.Z Ilir Meta është duke ndjekur me shumë shqetësim protestën e opozitës dhe u kërkon të gjithëve të ruajnë qetësinë, të evitojnë aktet e dhunës dhe konfrontimet, që mund të shkaktojnë lëndime në njerëz dhe dëme ndaj institucioneve.
Si pasojë e hedhjes së shisheve me benzinë në protestues është përfshirë nga flakët, ndërsa të tjerë kanë ndërhyrë për ti shuar flakët çka i kanë shkaktuar plagë të lehta.
Gjithashtu dhe një tjetër protestues nuk është ndjerë mirë, dhe për shkak të rrëmujës së krijuar është transportuar me ambulancë drejt urgjencës.
Derimë tani është hedhur disa herë gaz lotsjellës mbi protestuesit, ndërsa efektivët kanë vendosur maskat.
Thirrja e policise:
Policia, nepermjet nje punonjesi te patrulles se pergjithshme thirrje në megafon drejtuar protestuesve dhe organizatorëve të protestës
Te nderuar qytetarë,
Ruani qetësinë, ruani gjakftohtësinë.
Mos hidhni lëndë piroteknike, fishekzjarre, kapsolla, tymuese dhe bomba molotov në drejtim të punonjësve të Policisë.
Hedhja e kapsollave, bombave molotov dhe lëndëve piroteknike po rrezikon jetën e punonjësve të Policisë
Të nderuar organizatorë të tubimit:
I nderuar zoti Gazmend Bardhi
Merrni masa të menjëhershme që protestuesit te nderpresin veprimet e dhunshme. Po demtoni e rrezikoni jeten e punonjesve te policise.
Si organizatorë të protestës, jeni përgjegjës përballë ligjit për mbarëvajtjen paqësore të tubimit, ndaj menjëherë merrni masa që protestuesit të ndalojnë hedhjen e kapsollave dhe lëndëve piroteknike dhe bombave motov në drejtim të Policisë.
(E.K/FAXWEB.AL)
