Presidenti i vendit Ilir Meta ka reaguar për dhunën e ushtruar ndaj banorëve në zonë e Astirit nga policia, duke e cilësuar si të papranueshme.
Meta i cili gjendet në një vizitë zyrtare në Francë, shkruan se “arroganca përballë mjerimit dhe traumës që po u shkaktohet këtyre familjeve për muaj të tërë është e patolerueshme.”
‘E papranueshme dhuna e përsëritur sot ndaj banorëve të Unazës së Re, të cilët protestojnë në mbrojtje të shtëpive dhe të pronave të tyre.
Arroganca përballë mjerimit dhe traumës që po u shkaktohet këtyre familjeve për muaj të tërë është e patolerueshme.
Banorët të ruajnë qetësinë dhe të mos bien pre e provokimeve dhe palët të ulen menjëherë në dialog.
U uroj shërim të shpejtë të gjithë të plagosurve’, shkruan Presidenti Meta ne Facebook.
