Damian Gjiknuri ka folur për mediat pas tryezës për Reformën Zgjedhore, të organizuar nga OSBE, ku komentoi dhe përplasjen mes opozitës parlamentare dhe asaj jashtëparlamentare.
Gjiknuri i cilësoi përplasjet mes Kasos dhe Hajdarit e Gjonit si emocionale, dhe shtoi se është pozitiv fakti se PD po jep sinjalet e para për interesin ndaj reformave në vend.
“Siç e tha dhe zonja Hajdari që ishte një reagim emocional, gjithçka që u zhvillua aty ka qenë brena axhendës. Unë e kuptoj tensionin mes opozitës brenda parlamentit dhe ajo jashtë saj, kjo është jashtë detyrës sime, për mua ky ishte një sinjal pozitiv, pasi PD më në fund po futet në rrugën institucionale.
Nuk më takon mua që të zgjidh çështjen mes dy opozitave, të mos harrojmë se vetë Kuvendi ka marrë parasysh elementin e opozitës jashtëparlamentare. Pjesëmarrja e PD-së ishte dhe si shkak e dëshirës së mirë të ndërkombëtarëve për të pasur një Reformë gjithëpërfshirëse.
Unë kam bërë një ofertë që nëse PD nëse bëhet pjesë e Komisionit në mënyrë permanente unë rishikoj vendimin tim për të qenë si bashkëkryetar i këtij komisioni. Ne jemi aty për të përfaqësuar partitë tona, dhe sa kohë që jemi qytetarë të lirë, atëherë kemi të drejtë të jemi pjesë e çdo komisioni.
Ambasadori u shpreh se ishte i zhgënjyer nga sjellja e aktorëve politikë, në demokraci gjithkujt i vjen radha për të humbur dhe për të fituar, kështu që duhet durim. Çështja e sistemit nuk është një çështje e thjeshtë, pasi dhe partitë në tavolinë kanë nga një mendim të ndryshëm për të”, u shpreh Gjiknuri.
(E.K/Faxweb.al)
Discussion about this post