Tiranë/ Shoferi humbet drejtimin e mjetit dhe del nga rruga. Përplas rëndë 2 këmbësore

Tirana u trondit mbrëmjën e sotme nga një aksident rrugor, si pasojë e të cilit u plagosen 2 gra të moshës 70 dhe 47 vjeçare.

Ngjarja ndodhi në zonën e “Unazës së Re”, ku një automjet me drejtues shtetasin me inicialet E.H, humbi kontrollin dhe goditi fillimisht bordurën anësore të rrugës dhe më pas dy këmbësoret.

Informacion paraprak i policisë:

Më datë 30.01.2021, rreth orës 18:10, në Unazë të Re, mjeti me drejtues shtetasin E. H., ka humbur kontrollin e mjetit dhe është përplasur me bordurën e rrugës, dhe më pas ka aksidentuar dy shtetase këmbësore H. Sh., 70 vjeçe dhe  A. Sh., 47 vjeçe, të cilat u dërguan në spital për ndihmë mjekësore.

Grupi hetimor dhe sherbimet e policisë ndodhen në vendngjarje dhe vijon puna për sqarimin e rrethanave të ngjarjes.

(E.H/Faxweb.al)