Dy pjesëtarë të një familje mbetën të plagosur në shtëpinë e tyre në Krujë. Në rrethana ende të paqarta ka shpërthyer bombula e gazit. Të plagosurit janë dërguar në spital me disa plagë djegieje, ndërsa policia ka nisur hetimet.
Policia tha se ngjarja ka ndodhur një ditë më parë në Cudhi, Krujë, ku ka shpërthyer një bombël gazi në banesën e shtetasit G.M. 50 vjeç.
Për pasojë është dëmtuar shtetasi G.M. i cili ndodhet në Spitalin Ushtarak Tiranë jashtë rrezikut për jetën dhe djali i tij, shtetasi M.M. 11 vjeç, i cili pasi ka marrë ndihmën mjekësore është larguar për në banesë pa probleme.
Nga kryerja e veprimeve hetimore dyshohet se shpërthimi ka ndodhur aksidentalisht sipasojë e rrjedhjes së gazit.