Hidhet shorti në Apelin e Tiranës për dosjen e lobimit rus në SHBA, për të cilën u pushua çështja për Bashën nga Shkalla e Parë.
Por përcaktimi i shortit ka rezultuar surprizë, pasi procesi do të udhëhiqet nga gjyqtarja Fatmira Hajdari, ndërkohë që anëtarë janë Shpresa Beçaj e Alaudin Malaj.
Pak ditë më parë Prokuroria apeloi çështjen e Bashës për lobimin rus, të cilin Gjykata vendosi që ta pushojë për mungesë provash.
Prokuroria e Tiranës kundërshtoi pushimin e hetimeve për Bashën dhe 2 zyrtarët e PD. Ajo i ka kërkua Gjykatës së Apelit të kthehen aktet.
Çështja u pushua nga gjyqtari Lazër Sallaku. Në 41 faqe vendim thuhej se nuk ekzistonin fakte penale.
Sipas hetimit ka rezultuar se PD-ja s’ka pasur kontratë lobimi me kompaninë “Biniada Trade”. Nisur nga ç’deklaron gjykata, kontrata e Nick Muzin me “BiniadaTrade” s’ka lidhje me ndonjë parti.
“Nuk ka asnjë aktmarrëveshje mes Muzin dhe Partisë Demokratike. Nuk ka prova që Muzin ka marrë 500 mijë dollarë nga PD dhe 150 mijë dollarë Biniada Trade”, shprehej gjykata në vendim.
(M.Q/Faxweb.al)
