Ka ndërruar jetë ditën e sotme Mimoza Selimi, 43 vjeçarja e cila mbeti e plagosur rëndë pas shpërthimit të një bombule gazi në Selenicë. Selimi u plagos rendë së bashku me bashkëshortin e saj pas shpërthimit të bomblës së gazit mëngjesin e 17 korrikut.
Ajo gjendej prej 13 ditësh në spitalin e Traumës në Tiranë, ndërsa mësohet se ka humbur jetën pas djegieve të rënda, të marra në pjesën më të madhe të trupit pas shpërthimit. 43-vjeçarja, nënë e 3 fëmijëve, ndërroi jetë ditën e sotme në orën 16:00.
Fillimisht u dha shprese për dërgimin e saj për mjekim të specializuar në Turqi, por që më pas një gjë e tillë u anullua për shkak të mungeses së të ardhurave financiare nga familja. Sipas mjekeve, djegia rezultoi fatale për shkak të dëmtimit të mushkrive. Po ashtu mësohet se gazi kishte deportuar në organet e brendshme të 43-vjeçares.
Kujtojmë se, ngjarja e rëndë në familjen Selimi ndodhi rreth orës 05:50 të mëngjesit, moment në të cilin çifti ishin të dy në banesë, duke fjetur gjumë. Për rrjedhojë ata kanë mbetur të dëmtuar nga flakët, ndërsa bëhet me dije se Rexhep Selimi pavarësisht djegie të marra në trup, ndodhet jashtë rrezikut për jetën.
