Vdekja e katër turistëve në Qerret, reagon Ambasada ruse: Do riatdhesojmë trupat

Ambasada ruse në vendin tonë ka reaguar këtë të diel për vdekjen misterioze të katër turistëve rusë në një hotel në Qerret.

Ambasada bën me dije se janë njoftuar familjarët e viktimave për ngjarjen dhe shtoi se trupat do të riatdhesohen në Rusi.

Më tej, Ambasada kërkon hetimin e plotë të ngjarjes nga pala shqiptare në mënyrë që të hidhet dritë mbi këtë ngjarje të rëndë që tronditi Qerretin mbrëmjen vonë të së premtes.

“Për vdekjen e katër shtetasve rusë në Shqipëri. Ambasada Ruse në Shqipëri konfirmon vdekjen e katër shtetasve rusë (Natalia Burenkova, Sergey Burenkov, Ekaterina Burenkaya dhe Nikita Belousov) në një hotel pranë qytetit Durres. Departamenti Konsullor i Ambasadës është në kontakt të vazhdueshëm me agjencitë e zbatimit të ligjit të vendit dhe heton rrethanat e asaj që ndodhi. Ne presim një hetim të plotë nga pala shqiptare për shkaqet e vdekjes së rusëve. Të afërmit e të ndjereve jane njoftuar. Do të ketë riatdhesim të trupave në atdheun e tyre“, shkruan Ambasada.

(E.H/Faxweb.al)