Burime bëjnë me dije për Fax News, ambasadorja Yuri Kim ka thirrur një mbledhje me 4 përfaqësuesit e partive ne Këshillin politik. Në takim do të jenë të pranishëm edhe ambasadorët e OSBE, BE, dhe Britanisë së Madhe, ku fokusi do të jetë përfundimi i Reformës Zgjedhore, afati i fundit të së cilës ishte 31 Maji.
Një ditë më pare opozita jashtë parlamentare kërkoi thirrjen e tryezës së këshillit politik sot në orën 17;00, për ti dhënë fund diferencat që ka mes palëve, por deri tani nuk ka asnjë konfirmim të kësaj mbledhjeje.
Gjatë ditës së djeshme Kim dhe ambasadorët e tjerë shkuan në zyrën e Bashës, ndërkohë që nuk kanë pasur ende një takim me Ramën, i cili edhe sot tha se do të fliste i fundit, dhe ftoi kreun e opozitës për të gjetur gjuhën e përbashkët mes tyre.
“Ne e kemi mbaruar punën tonë dhe besojmë që produkti është aty dhe mos më bëni të komentoj, se nuk më ka ardhur radha të komentoj unë, pasi janë përfshirë të tjerë në këtë proces, e për ti respektuar ata deri në fund, do të ma falni një shtyrje me disa apo 24 orë të zotimit për të folur sot.
Për sa i takon takimit, në Shqipërinë e vitit 2020 nuk është e hijshme për ne që për cështje të brendshme, ku palët janë dy apo më shumë skuadra që do zhvillojnë finale, ulen e bien dakord, ca quhet faull e ca penallti të bëhet me ambasadorë që hyjnë e dalin nëpër dyer, por është për të thënë faleminderit se ka palë që nuk e bëjnë dot vetë dhe duhet ndihmë.
Unë kam qenë opozitë dhe e dini shumë mirë, disa herë i kam kërkuar kryeministrit të kohës që të uleshim për gjëra që duheshin diskutuar tani kanë ndërtuar pozicionet, unë kërkoja të uleshim, tani unë jam kryeministër kërkoj të ulemi por ju e dini historinë, gjynah se lodhim njerëzit, humbasim kohë e energji. Do të ishte normale të uleshim merremi vesh nuk merremi vesh është temë tejtër. Megjithatë nuk jemi ende aty.”- tha Rama. (E.K/Faxweb.al)
Discussion about this post