Zbulohet laboratori i kokainës në Fier, arrestohen 15 persona

Një megaoperacion është duke u zhvilluar në Fier.

Prokuroria e Posaçme është duke zhvilluar një operacion ku ka lëshuar disa urdhër arreste. Burime bëjne me dije se është goditur një laborator droge.

15 persona janë arrestuar deri tani, ndërsa dyshohet se droga është transportuar përmes plehut kimik. Dhjetëra forca policore ndodhen aktualisht në vendngjarje. Sipas informacioneve, ngarkesa e drogës ka ardhur nga Kolumbia. Ngarkesa ishte sjellë prej kohësh dhe SPAK vëzhgoi dhe përgjoi për të identifikuar rolin e secilit që është i përfshirë.