Dy ditë më parë Shqipëria dhe Greqia ranë dakord për nisjen e fluturimeve mes Athinës dhe Tiranës më 15 qershor. Por ministri grek i Turizmit ka thënë sot se fluturimet ajrore do të jenë vetëm për ata që kanë leje qëndrimi dhe çshtje pune, por jo për turistët.
E njëjta gjë është vendosur edhe për pikat tokësore dhe detare. Nuk do të lejohen kalimet e mjeteve për qëllime turistike, por vetëm ato me autorizim të posaçëm, ose për çështje pune.
Ndërkohë, autoritetet doganore e kanë marrë tashmë vendimin e ministrisë dhe janë njoftuar përmes rrugëve zyrtare të gjitha pikat e ndërlidhjes.
I njëjti vendim është marrë edhe për Maqedoninë Veriore, me të cilën do të ketë vetëm fluturime për çështje pune, por jo turizmi.
