Një grup shkencëtarësh turq ka dhënë një lajm të mirë për të gjithë ata që vuajnë nga sëmundja e parkinsonit, alzheimerit apo depresionit.
Ekspertët e Universitetit “Ataturk” kanë kryer studime dhe eksperimente laboratorike disa-vjeçare para se të jepnin lajmin e mirë.
Sipas rektorit të universitetit, Omer Çomakli, ilaçi është eksperimentuar tek kafshët dhe ka dhënë një efekt pozitiv.
“Eksperimentet e zbatuara tek kafshët kanë vërtetuar se ilaçi redukton efektet negative të sëmundjeve të tilla si depresioni, Parkinsoni dhe Alzheimeri. Patentat ndërkombëtare janë marrë nga Japonia dhe SHBA-të. Testet treguan se ilaçi kishte një efekt mbrojtës në qelizat e trurit që përmbajnë neurotransmetues të glutamatit të lartë. Ilaçi do të jetë gati për përdorim sapo të përfundojë faza klinike e testimit”, ka deklaruar ai.
