Ditën e sotme, ka nisur shërbimi për pajisjen me pasaportë dhe kartë identiteti për qytetarët shqiptarë nga Konsullata e Përgjithshme në Bari.
Konsullja e Përgjithshme e Republikës së Shqipërisë në Bari, Gentiana Mburimi ka shpjeguar se ky shërbim do të ofrohet për të gjithë qytetarët rezidentë që u përkasin rajoneve të Pugliasë, Molises, Basilikates, Kalabrisë, Sicilisë dhe Sardenjës.
Gjatë ceremonisë së inagurimit, ku qytetarët e parë morën sot shërbimin për këto dokumenta, të pranishëm ishin Zëvendësminstri për Evropën dhe Punët e Jashtme, Agron Tare dhe Drejtori i ALEAT, Jean-Alain Jouan.
