Lajme të mira nga Kosova, dy pacientë arrijnë të “mposhtin” koronavirusin

Siç dihet prej ditësh tashmë edhe Kosova është prekur nga pandemia globale ku shumë përsona janë prekur më Covid-19 si dhe ka pasur edhe viktima.

Kujtojmë se deri më tani ne Kosove, janë konfirmuar 71 persona si të prekur me Covid-19

Por sot nga nga Kosova lajme të mira na vijnë nga Klinika Infektive e QKUK’së.

Aty dy pacientë të cilët kishin rezultuar Pozitiv me Covid-19, apo siç njihet ndryshe koroavirus, janë duke shkuar drejtë shërimit. Testet e dyta që u janë bërë këtyre dy personave kanë rezultuar Negative. Njëri nga pacientët i cili në testin e dytë ka rezultuar negativ me Covid-19 është djali i 82-vjeçarit i cili ndërroi jetë, javën e kaluar pas infektimit me koronavirus.

Në Kosovë deri më tani janë shënuar 71 raste me koronavirus, ndërkohë një person i moshës 82-vjeçare ka vdekur.

Por krahas këtyre 71 personave që tashmë janë konfirmuar si të prekur me Covid-19, ka të atillë të cilët janë duke ia dal shumë mirë me gjithë procesin e rikuperimit dhe janë duke u shëruar nga koronavirusi.

Bëhet fjalë për së paku dy pacientë të konfirmuar me Covid-19 të cilët janë duke shkuar drejtë shërimit. Këto detaje i dha ekskluzivisht për Gazetën Express, infektologu i QKUK’së, Salih Ahmeti.

Ai ka deklaruar se procesi i shërimit është duke shkuar shumë mirë dhe se mjekët janë shumë entusiast që në javën e ardhshme këta dy pacientë do të lirohen nga spitali si të shëruar nga kosonavirusi.

“Gjendja e tyre për momentin është shumë stabile. Ne jemi duke e bërë të pamundurën që ata të dalin nga spitali si të shëruar. Tek një pjesë e mirë e pacientëve ia kemi arritur që rikuperimin ta çojmë përpara”, thotë Ahmeti.

Ai tutje deklaron se pacienti i parë që ka rezultuar negativ në testin e dytë është djali i 82-vjeçarit nga Podujeva i cili vdiq javën që e lamë pas si pasojë e infektimit me Covid-19.

“Unë po i pres edhe rezultatet e tjera. Djali i personit që vdiq nga Podujeva nga koronavirusi, në testin e dytë ka dalë negativ. Po e presim edhe testin e ri konfirmimit. Gjatë javës së ardhme pritet që ti kemi pacientët e parë që të jenë të shëruar”, ka deklaruar Ahmeti.

E ndërkohë për këtë lajm sot ka folur edhe ministri i Shëndetësisë, Arben Vitia.

“Sot nga këto mostra tetë (8) prej prej tyre kanë rezultuar pozitive. Në ndërkohë kemi rezultatin e parë NEGATIV të njërit nga pacientët me CODID 19 pozitiv. Nevojitet edhe testi kontrollues dhe me shpresë që do të kemi pacientin e parë të shëruar me COVID 19 në Kosovë”, ka thënë Vitia.

Ai sërish ka apeluar qytetarët që t’i përcjellin rekomandimet e dhëna nga instituti.

“Vazhdon puna përgjatë 24 orëve në MSH, IKSHP dhe Klinikën Infektive. T’i ndihmojmë personelit shëndetësor”, ka shkruar ai në Facebook.