Lajmi i dorëheqjes së Manjanit nga detyra, Arben Ahmetaj: S’di gjë, aleanca bashkë dhe shumë e fortë

Ministri i Financave, Arben Ahmetaj, ka komentuar së fundmi lajmin që qarkulloi orët e vona të mbrëmjes së djeshme lidhur me dorëheqjen e ministrit të Drejtësisë, Ylli Manjani, nga detyra, në një kohë kur çështja “Balili” ka shkaktuar mjaft tensione.

I pyetur nëse ka dijeni për këtë lajm dhe për vërtetësinë e tij, ministri i Financave tha se nuk ka dijeni për këtë, pasi i duhet të merret vetëm me borxhin, konsumin, deficitin, ekonominë. Duke i cilësuar si normale replikat brenda një koalicioni, ai theksoi se aleanca është bashkë dhe do të vazhdojë të jetë bashkë edhe në zgjedhjet e 18 qershorit.

“Padyshim bashkë e shoh bashkë aleancën dhe shumë të fortë. Replikët janë elementë normalë në një marrëdhënie. Gjëja më normale të ketë debate, por duhet të jenë të strukturuara. Por aleanca është bashkë. Unë nuk di gjë për këtë, unë jam ministër i Financave, unë shoh borxhin, konsumin, deficitin. Aleanca ka ndryshuar vendin.”, ka thënë ai. (XH.A/SHUPLAKA)