Të shtëna me armë zjarri janë dëgjuar përpara pak çastesh në afërsi të stadiumit “Dinamo”, në Tiranë ndërsa nga të dhënat e para bëhet më dije se është plagosur një 26-vjeçar.
Ngjarja ka ndodhur në rrugën “Gjik Kuqali”, ndërsa një person ka mbetur i plagosur, por fatmirësisht bëhet me dije se është jashtë rrezikut për jetën.
Policia ndërkohë ndodhet në vendngjarje për të zbuluar shkaqet dhe rrethanat e ngjarjes.
Nga burimet paraprake thuhet se i riu i cili është dërguar në spital, është plagosur në këmbë, por nuk bëhet i ditur shkaku që ka çuar drejt një konflikti tillë pasojat e të cilit mund të ishin tragjike.
Deklarata e Policisë
Rreth orës 21:50, në zonën e Komunës së Parisit, është plagosur me armë zjarri (në këmbë), në rrethana ende të paqarta shtetasi E.K, 26 vjeç, i cili po merr ndihmë mjekësore në spital dhe ndodhet jashtë rrezikut për jetën.
Policia po punon për zbardhjen e rrethanave të ngjarjes, identifikimin dhe kapjen e autorit/ve.
(F.GJ/FAXWEB.AL)
