Prokuroria e Tiranës ka nisur hetimet për përhapje të informatave të rreme që ngjallin panik.
Nisur nga lajmi i publikuar ditën e djeshme ku thuhej se një tërmet i fuqishëm do të godiste vendin, gjë që shkaktoi ankth dhe panik tek qytetarët, kryeprokurorja Arta Marku ka kërkuar informacion në lidhje me hetimet e Prokurorisë për mënyrën sesi po trajtohet materiali.
“Prokurorja e Përgjithshme znj. Arta Marku kërkoi nga Pokuroria pranë Gjykatës së Shkallës së Parë Tiranë, vlerësimin e menjëhershëm ligjor në lidhje me dyshime për përhapjen në publik të informatave/njoftimeve të rreme që ngjallin panik dhe pasiguri tek qytetarët.
Në mbështetje të neneve 38 dhe 50/1 të Ligjit nr.97/2016 ”Për Organizimin dhe Funksionimin e Prokurorisë në Republikën e Shqipërisë”, pa cënuar sekretin hetimor Prokurorja e Përgjithshme znj. Arta Marku kërkoi gjithashtu informacion në lidhje me mënyrën e trajtimit të materialit.”– thuhet në njoftim.
(M.Q/Faxweb.al)
