Viti i Ri 2018 ka nisur me një lajm të keq për të gjithë duhanpirësit. Duke filluar që sot qytetarët do të paguajnë me 10 lekë më shtrenjtë për 1 paketë.
Sipas faqes zyrtare të Tatimeve vihet re se me datë 25.8. 2017 është bërë njoftimi për rritjen e çmimit të cigars.
Por tashmë në fillimin ëkëtij viti pritet të ketë një tjetër rritje të çmimit të paketave si efekt i rritjes së nivelit të akcizës me 5 lek për paketë.
Distributorët e kompanive të rëndësishme të importit dhe tregtimit të cigareve shpjeguan se nga 1 janari i vitit 2018, kohë kur pritet të rritet akciza, do të reflektohet menjëherë në çmimin përfundimtar të cigareve, çka do të thotë se konsumatori do ta blejë më shtrenjtë duhanin.
Sipas tyre, rritja me 5 lekë për paketë+ 20 %TVSH, duke i shtuar dhe rritjen e tregut të pakicës, do të rezultojë me një rritje prej 10 lekë për paketë.
Niko Lera, drejtor i Politikave Fiskale në Ministrinë e Financave thotë se sektori që gëzon më shumë lehtësi fiskale është turizmi, me qëllim zhvillimin e mëtejshëm.
Resortet dhe hotelet me 4 dhe 5 yje, për vlerë investimi mbi 8 milionë euro nuk do të paguajnë tatim – fitim, për 10 vitet e para dhe përjashtohen nga pagesa e taksës së infrastrukturës.
Nga 1 janari qeveria ul tatimin mbi të ardhurat për të gjitha bizneset e teknologjisë dhe informacionit, nga 15% në 5%. bëhet fjalë për ata që prodhojnë softëare me destinacion jashtë Shqipërisë, me qëllim që të nxitet ky sektor që prodhon për eksport.
Pjesë e paketës fiskale 2018 është edhe ndryshimi i taksës së pronës, por që do të nisë implementimin në muaj e mëvonshëm.
(F.M/Faxweb)
