”Lajmi mbushi mediat, RENEA, qen, mace, mij në Sarandë për kapjen e Eskobarit…Sikur punoni me metoda speciale…”, kështu komenton këtë mëngjes Ylli Dylgjeri, ish-këshilltari i Fatos Nanos.
Për kapjen e Klement Balilit ka nisur në mesnatë një operacion i madh, por që për Dylgjerin nuk tregon veçse amatorizmin në polici.
”Edhe një shembull për të treguar amatorizmin në polici!
Lajmi sot mbushi mediat. Një operacion në shkallë të gjerë i drejtuar nga Renea me 200 forca policore, qen, mace, mij, etj. etj janë drejtuar Sarandës për kapjen e Eskobarit të drogës me mbiemrin Balili. Nuk thuhet vetëm se merr pjesë edhe vetë Balili me gjithë drejtorinë e tij të transportit në aksion!!!
Por deri tani çar u bë o kolegë profesioniste te policisë, që punoni me metoda speciale hetimi?
A kishit gjurme? A kishte informacion? A ishte në vëzhgim? A ishte në Sarandë? A ishte në bulevard?
Apo, pritet Ministrinë e Drejtësisë sa të përkthehej dosja, se nuk e kuptonit për ca bëhej fjalë aty!!!
Nuk dihet prapë gjëkundi ku është?
Vetëm mbrëmë, filloi operacioni në shkallë te gjerë- thuhet në njoftimet që dalin nga rendi.
Ok. Suksese!”, komenton Dylgjeri.
Klement Balilit i ka mbërritur dosja 10 mijë faqëshe nga autoritetet greke në prokurorinë shqiptare, e cila ka ngritur akuzat për trafik droge dhe pastrim parash.
