Ish-ministri i Shëndetësisë, Ilir Beqja, gjatë debatit të sotëm në Komisionin e medias, ka habitur me deklaratën e tij, e cila është kundërshtuar dhe nga socialistët.
Bëhet fjalë për taksën që çdo familje paguan në faturën e dritave 100 lekë të reja çdo muaj për RTSH.
Ilir Beqja, tashmë deputet i PS-së, ka thënë se shqiptarët duhet të paguajnë jo vetëm taksën për RTSH-në, por taksë për çdo aparat televiziv që kanë në shtëpi.
“Mesa di unë, ajo nuk është taksë për shërbimin, por është taksë për aparatin televiziv kur është vendosur. Pa dashur të futem në emra të përveçëm, një hotel me 40 dhoma duhet të paguajë 40 herë taksë sepse ka 40 aparate televizive. Një pikë bastesh sportive duhet të paguajë 20 taksa se ka 20 aparate televizive.”, ka thënë Ilir Beqaj.
Propozimi i Beqajt është kundështuar nga socialisti Fidel Ylli, i cili iu kthye Beqajt duke thënë: “Po në shtëpi kur ke 7 televizorë, do paguash shtatë herë ti?! Do vijë ai të kontrollojë ty në shtëpi?!”, tha deputeti i PS-së, i habitur.
Beqaj e sqaroi menjëherë socialistin, pasi sipas tij, taksa është për aparatin jo për shërbimin: ”Ajo është taksë aparati, jo taksë shërbimi. Po patjetër, ta kontrollon nga sinjali që çon”, ka thënë socialisti.
Në mbështetje të deputetit Ilir Beqja ka qenë dhe kreu i AMA-së, Gentian Sala, i cili ka thënë se në vendet e rajonit, taksa varion nga 17 euro deri në 37 euro.
“Të mbash 12 kanale me të njëjtin buxhet dhe të jenë cilësore, kjo nuk është e mundur. Pasi mund të them që taksa në Shqipëri është 8.7 euro. Nuk ka vend që e ka poshtë 17 eurove. Mali Zi e ka taksën 17 euro, Maqedonia 37 euro, Serbia e ka taksën 30. Nëse duhet të kemi një operator publik të shëndetshëm, nuk e mbulon dot me atë buxhet”, ka thënë Salaj.
(F.G/Faxweb.al)
Discussion about this post