Ish-deputetja demokrate Lajla Përnaska thotë se shumica e deputeteve në parlamentin shqiptarë bëjnë parada me veshje, janë Barbie Doll dhe kanë ngatërruar institucion.
Ajo tha në “Top Show” se kjo ka krijuar problem në përfaqësim pasi aty janë me një status të caktuar si përfaqësuese të popullit.
“Një kontigjent i femrave që janë futur në parlament nuk kanë lidhje me politikën, as me institucionin.
Kanë lidhje me gjithçka tjetër, por jo me atë profesion, janë thjeshtë marioneta ose ‘Barbie Dolls’. Nuk është kuptuar qartazi profesioni i politikanes dhe as i politikbërjes”, tha ajo.
Ajo shtoi se ky është një deformim në përfaqësim pasi aty janë përfaqësuese të popullit dhe e gjitha kjo ka lidhje me statusin, me institucionin që ka kodin e vet të etikës.
(B.H/Faxweb)
