Kryeministri Rama në ndarjen e çmimit ‘’Bleta e artë’’, ja akordoi atë drejtorit të ALUIZN-it Artan Lame. Kjo sipas tij për punën e mirë që është bërë për legalizimin e banesave në gjithë Shqipërinë. Vetë Lame e vlerësoi këtë çmim duke thënë se për të çmimi më I madh janë falenderimet e njerëzve që merr në gjithë Shqipërinë.
Po kjo duket se nuk iu ka pëlqyer të gjithëve. Madje gazetari Edi Oga ka shkuar shumë larg me ironinë e tij në një skrim të vetin.
‘’Artan Lame shpallet Bleta e Artë 2016! Nga nesër tualeti në zyrën e tij do të modifikohet, tubat e shkarkimit do të mbyllen. Produkti, pasi të mblidhet, do të konsumohet me racion sipas hierarkisë, nga qeveria dhe administrata e lartë shtetërore!’’, ka shkruar Oga duke ironizuar në këtë mënyrë emërtimin e këtij çmimi.(E.K/SHUPLAKA)
