Kreu i Shqipëria Bëhet, Adriatik Lapaj, deklaron se dorëhiqet nga mandati i deputetit që pretendon se fitoi nga lista e hapur, por ftoi edhe aleatin e tij në koalicion, Endri Shabani të Nismës Thurje, që të bëjë të njëjtën gjë po ashtu.
Në këtë mënyrë ai deklaroi se po mban fjalën e dhënë para zgjedhjeve dhe mandati do i kalojë të parës së listës së koalicionit, një kandidate femër, Greta Ambeli.
Ai akuzoi Shabanin se po mbante peng mandatin e fituar nga koalicioni më 11 maj dhe i bëri ftesë publike. Ai pretendoi se u bë lojë që Lapaj të mos shkonte në parlament. Lapaj pretendoi se Shabani dhe dajua i tij kërkojnë që mandati i koalicionit të shkonte në favor të kryeministrit Edi Rama dhe që të mos lejohej që ai të bëhej deputet dhe të ishte kundër qeverisë.
Kreu i Shqipëria Bëhet tha se tani ka vendosur që të kërkojë mosnjohjen e dorëheqjeve të listës së mbyllur dhe që mandati t’i shkonte të parës së listës, Greta Ambelit dhe ftoi Shabanin të bënte të njëjtën gjë për ta dakordësuar. Ai tha se nuk do lejonte që “dajo Zeqiri i zotit Shabani të bëhej deputet” dhe të shkonin te Rama.
Ai bëri përgjegjës Shabanin për krizën politike që ka shpërthyer në koalicion prej ditësh, teksa për të mbajtur fjalën e tij para zgjedhjeve, ftoi edhe Shabanin që të bënte të njëjtën gjë.
Pjesë nga deklarata e Lapajt:
“Marrëveshja nuk po zbatohet, më vjen keq, fjalët e dhëna nuk po mbahen. Ftoj zotin Shabani që të vij vetë dhe të mbajë fjalën për të kërkuar që mandati të shkojë te më i votuari i koalicionit. Ai kërkon që të marrë mandatin e deputetit që i takon më të votuarës së Shqipëria Bëhet.
Sitemi aktual na i mohoi 6 mandate me sistem të padrejtë.
Unë e mbaj fjalën dhe do e mbajë, por në ishim në koalicion dhe së pari mandati duhet të vij te unë më parë dhe zoti Shabani nuk pranon, që ky mandat të shkojë më pas tek zonja.
Koalicioni ka qenë bashkim për zgjedhje, ruan individualitetin juridik dhe politik. Ai nuk është më i votuari. Nisma thurrje mori mbi 4 mijë vota dhe Shabani mori mbi 2400 vota. Pra votat i mori koalicioni, mandati është marrë me votat e mbështetësve të Shqipëria bëhet.
Kjo është betejë për të mbajtur fjalën e dhënë e jo për një mandat.
Ne nuk kërkuam votën për t’u bërë pjesë e të vjetrës, por për t’i dhënë fund pazareve me lista të mbyllura dhe për të garuar në listat e hapura.
Zoti Shabani, eja të japim dorëheqjen dhe mandati të kalojë te zonja Ambeli. Qëndrimi egoist i zotit Shabani”.
