LAPSUSI i Alibeajt, çfarë t’i ketë shkuar në mëndje Bashës që e dëgjonte nga pas?! (VIDEO)

LAPSUSI i Alibeajt, çfarë t’i ketë shkuar në mëndje Bashës që e dëgjonte nga pas?! (VIDEO).

Është kohë fushate dhe të vetmet që përsëriten, përsëriten e përsëriten janë sloganet e Partive. Republika e Re në njërën anë dhe Rilindja e Ramës tashmë e transformuar në anën tjetër.

Themi e transformuar pasi slogan i kësaj fushate është: Më shumë shtet, mirëqënie dhe punësim.

E në këtë lëmsh të retorikës duket të jetë ngatërruar dhe kryesuesi i listës së PD-së në Fier, Enkelejd Alibeaj.

Në fjalën hapëse të Mitingut në Mallakastër, ku ishte i pranishëm dhe kryedemokrati Basha, ai padashje e quajti atë “projektuesin e Rilindjes”. Duke dashur të thotë “Projektuesi i Republikës së Re”, as Alibeaj nuk i shpëtoi lapsusit.

Kjo u shoqërua me të qeshura, dhe vetë Alibeaj nxitoi të ndreqte gabimin, tek e fundit s’ka shumë ndryshim me termat.

Me siguri që dhe lideri demokrat s’do ta ketë marrë për keq. Ai u ngrit menjëherë pas Alibeajt, por nuk bëri komente në lidhje me lapsusin.

Deri në fund të fushatës presim të tjera gafa të tilla, të paktën ç’tensionojnë situatën e lodhshme që krijon fushata elektorale. (E.K/SHUPLAKA)