Detaje të tjera janë zbardhur nga operacioni masiv antikanabis në Greqi, ku u vunë në pranga 59 shtetas, u është komunikuar masa e arrestit 38 të tjerëve që ndodhen në burg dhe janë në shpallur në kërkim 46 të tjerë.
Grupi kriminal që vepronte në fushën e kultivimit, trafikimit dhe shpërndarjes së lëndëve narkotike, drejtohej nga një shtetas shqiptar me banim në Shqipëri. Niveli i dytë përbëhej nga 4 shqiptarë, ndërsa i treti nga 7 shtetas ndër ta 3 shqiptarë dhe 4 grekë.
Tre grekë të tjerë përbënin nivelin e katërt të grupit që kishin për detyrë organizimin e trafikut në kufirin greko-shqiptar. Një hierarki për tu pasur zili, ku shtetasit e kombësive të ndryshme bashkëvepronin më së miri mes tyre për një qëllim të përbashkët.
E pas punës të 15 shtetasve të katër niveleve, 20 shtetas (17 shqiptarë, 1 grek, 1 bullgar, 1 rumun) merreshin me magazinimin e lëndës narkotike në Greqi. 6 shqiptarë, 3 grekë dhe 1 bullgar, përbënin nivelin e gjashtë të hierarkisë që kishin për detyrë shpërndarjen e drogës. Ndërsa qendra e Athinës, mësohet se ka qenë “ekskluzivitet” i shpërndarësve të nivelit të shtatë, kryesisht afrikanë.
Discussion about this post