Presidenti i Republikës Ilir Meta në konferencën e organizuar nga INFOÇIP me temë “Marrëdhëniet e Punës dhe Shqyrtimi Gjyqësor” u shpreh se faturën e largimeve të padrejta nga puna duhet ta paguajë vetë zyrtari kundravajtës.
“Duhet të përcaktohet me ligj evidentimi i përgjegjësisë direkt të zyrtarit publik për shkarkime të padrejta nga puna, si përgjegjësi penale, duhet dispozitë e vecantë në kodin penal, por edhe financiar për cdo dëm që i shkaktohet buxhetit. Fatura e përballimit të dëmit t’i kalojë zyrtarit që ka marrë vendimin e padrejtë. Dëmi nuk mund t’i ngarkohet taksapaguesit shqiptar, që janë të dëmtuarit kryesorë në këtë rast”- teksoi Presidenti Meta.
Gjithashtu presidenti tha se: “Është rritur numri i konflikteve në marrëdhëniet e punës dhe 30% e rasteve në Administrative janë për problemet në marrëdhëniet e punës”.
Kreu i shtetit gjithashtu sheh me shqetësim dhe vakancat në trupin gjyqësor të Gjykatës Administrative të cilat duhet të plotësohen sa më parë për të mos pasur vonesa në dhënien e vendimeve.
Discussion about this post