Pas referendumit të Katalunjës me shumë mundësi Bar5celona do të largohet nga kampionati “La Liga”, një lajm i trishtueshëm ky sigurisht për sportdashët që nuk do të kenë më mundësi të shohin një përballje mes Realit dhe Barcelonës në kampionatin spanjoll.
Mirëpo organizatorët e referendumit kanë deklaruar se shkëputja e Katalunjës është tashmë e kryer dhe këto ditë pritet të shpallet edhe pavarësia, pra me shumë gjasa Barcelona nuk do të jetë pjesë e “La Liga-S”.
Në media ditët e fundit është përfolur se çfarë do të ndodhë me klubin që ka miliarda fansa në rrjetet sociale. Ka disa opsione por më i besueshmi është se Barcelona do të bëhet pjesë e një prej kampionateve të vendeve fqinje, si “Premier League”, “Seria A” apo “Ligue 1”.
Britanikja “Daily Star” zbulon dëshirën e yllit të klubit, Lionel Messi-t. Duke iu referuar disa miqve të ngushte të argjentinasit, mësohet se fituesi i 5 herë “Topit të Artë” pëlqen ti bashkohet kampionatit anglez. Megjithatë, Messi më përpara do të preferonte qëndrim në “La Liga”, mirëpo nëse kjo nuk qëndron atëherë “Premier Liga” është zgjidhja e parë.
(B.H/Shuplaka)
Discussion about this post