Vendimi i Presidentit të Rusisë, Vladimir Putin për të mos iu kundërpërgjigjur në të njëjtën mënyrë vendimit të Presidentit në largim të SHBA-ve, Barack Obama për dëbimin e 35 diplomatëve rusë nga Amerika ka ekzaltuar presidentin e zgjedhur Donald Trump. Në një postim në rrjetin social “Tëitter” ai e ka vlerësua shumë të mençur Putinin.
“Ky është një hap i madh. Unë e dija prej kohësh se ai është shumë i mençur”, shkruan Donald Trump për refuzimin e Vladimir Putinit për t’iu përgjigjur në të njëjtën mënyrë Uashingtonit. Administrata amerikane e presidentit Obama vendosi sanksione kundër Rusisë, në përgjigje të sulmeve kibernetike dhe ndërhyrjes, sipas saj të dyshuar të Moskës në zgjedhjet presidenciale të SHBA.
Konkretisht qeveria amerikane vendosi të dëbojë 35 diplomatë rusë si edhe mori sanksione ndaj dy agjencive kryesore ruse të zbulimit, si dhe ndaj katër drejtuesve të Shërbimit Ushtarak të Zbulimit, për të cilët Shtëpia e Bardhë beson se kreu sulmet kibernetike ndaj Komitetit Kombëtar Demokrat dhe organizatave të tjera politike. (E.K/SHUPLAKA)
Discussion about this post