Presidenti Meta doli në një konferencë për media ku iu përgjigj pyetjes nëse vendimi për largimin e Ardian Dvoranit si anëtar i Gjykatës dhe nga kreu i KED është dhuratë për të si ish-socialist duke thënë:
“Kjo pyetje që bëtë është si të konfirmosh se ky institucion kontrollohet nga një parti e caktuar dhe ajo bën apo shpërbën dhuratën. Besoj se kam qenë i qartë, kjo çështje jo vetëm që është zgjidhur para 6 vitesh por është shpallur nga ish kryetari i Gjykatës së Lartë të asaj kohe por është shuar në çdo aspekt edhe të karakterit më të thjeshtë moral apo administrativ me dekretin e parë të firmosur nga Presidenti i Republikës për anëtarin e parë të Gjykatës së Lartë. Çdo gjë tjetër ka qenë dhe mbetet spekulim prandaj ju theksoj se sa i takon çështjes së Reformës në Drejtësi kam i vendosur vetëm të respektoj Kushtetutën dhe të punoj për pavarësinë e institucioneve të drejtësisë nga politika.
Vendimi i djeshëm është i vonuar por pozitiv. Mundësi për të ruajtur integritetin e institucioneve të reja të drejtësisë.Unë si President nuk kam qenë dhe asnjëherë individët. Legjitimiteti me Kushtetutën është i rëndësishëm. Vendimtare ka qenë dhe mbetet respektimi i Kushtetutës dhe ligjeve.”
Kujtojmë se ditën e djeshme, Këshilli i Lartë Gjyqësor i hoqi Ardian Dvoranit mandatin si anëtar të Gjykatës së Lartë dhe si kryetar i Këshillit të Emërimeve në Drejtësi.
I pyetur se çfarë do të bëjë nëse mazhoranca e kthen për herë të katërt propozimin e tij për kreun e KLSH, Meta tha: “Nuk dëshiroj të them se çfarë do të bëjë Kuvendi, është detyrë që të mbushë përgjegjësitë e tij. Gjithmonë do të respektoj Kushtetutën dhe zërin që del në respekt të Kushtetutës. Kjo është çështje tepër e qartë.
Ajo që dua të theksoj meqë më bëtë një pyetje të tillë, e lidh edhe me përvjetorin e PS, unë nisem nga ajo fuqi dhe detyrim që jep Kushtetuta e Presidentit të Republikës në kuadër të parimit themelor për të vënë besimin në këtë detyrë për një përfaqësues i cili garanton pavarësi dhe paanshmëri. Sigurisht kjo garantohet nga mazhoranca në pushtet.
Më duhet të shuaj çdo spekulim apo thashethem lidhur me këtë çështje që unë do ti qëndroj në mënyrë të hekurt këtij qëndrimi që i jep Kushtetuta presidentit dhe në këtë aspekt vlerësoj shumë kandidatë që mund të jenë anëtarë të mazhorancës apo administratës aktuale që kanë shprehur dëshirën për këtë post, por duhet të dini dhe ju që të gjithëve ua kam bërë të qartë se cili është parimi im. Kryetari duhet të garantojë pavarësinë e tij dhe të institucionit dhe kjo garantohet nga mazhoranca aktuale apo pas zgjedhjeve të ardhshme, sërish detyra e presidentit që të garantojë pavarësinë. Qëndrimi është i qartë dhe shumë parimor.(A.M/Faxweb.al)
Discussion about this post