Aktori i humorit Julian Deda, ka reaguar pas vendimit të tenorit Agim hushi, për t’u larguar përfundimisht nga Shqipëria.
Deda shprehet se edhe ai vetë e ka menduar largimin nga Shqipëria dhe thotë se kjo nuk është një gjë e re, ndërsa e mbështet tenorin për vendimin. Mirëpo i kujton atij që të mos bëjë me faj atdheun, pasi sipas tij janë “shtazët që po e shqyejnë nga të katër anët”.
“E larguan edhe nje artist. Si puna e Gimit, po ikin perdite ose te pakten jane ulur disa here ne familje per ta diskutuar largimin nga Shqiperia. Nuk eshte sekret, edhe une e kam bere.
Pse iku? Per te mos i hequr asnje presje asaj, qe thote vete, ai iku se nuk pa drite ne fund te tunelit. Driten e fundit e kerkoi ne çadren e lirise, por edhe prej saj doli opak, ose me mire i zhgenjyer deri ne ikje nga vendlindja.
P.s. Gim, mos e bej me faj Atdheun, ai eshte i bukur. Shtazet po e shqyejne nga te kater anet.”, reagon Deda.
Kujtojmë se tenori Agim Hushi deklaroi sot se kishte vendosur që të lërë përfundimisht Shqipërinë për t’u vendosur në Australinë e largët.
Duke e quajtur Sidnejn qytetin e tij, ai thotë se viti i fundit që ka kaluar në Shqipëri ka qenë vërtet qesharak dhe tashmë rikthimi si qytetar Australian është vërtet dinjitoz. Hushi vijon më tej duke thënë se Shqipëria është një vend i kapur nga kriminelët dhe hajdutët.
‘’ Pas një viti qesharak më së fundmi erdha dhe unë tek termat serioze të realitetit të një atdheu të dështuar, që është kapur për fyti dhe po jep shpirt në duart e një kaste kriminele, ku vlerë kanë vetëm hajdutët, maskarenjtë, injorantët, baballarët tanë të kombit me hundët zbardhur nga kokaina !
Më bëtë të më vije turp nga vetja qe jam bashkekombasi juaj!”, shkruan ndër të tjera Hushi. (D.D/Shuplaka)
Discussion about this post