Ditën e djeshme koordinatori i PD-së për politikat e teritorit Besnik Aliaj dha dorëheqjen nga të gjitha funskionet e tij në Parti. Sipas asaj që ai deklaroi dje ai do të vijojë të jetë një anëtar i thjeshtë po zhvishet nga të gjjithë funksionet.
Mirëpo pas largimit të tij akademiku Artan Fuga ka ngritur alarmin. Sipas tij intelektualët, si votuesit, si rinia, si emigrantët po ikin nga ky vend. Mirëpo partitë nuk kanë vesh që të dëgjojnë.
“Për kë bien këmbanat?! Profesor Besnik Aliaj largohet nga funksionet e tij në departamentin që drejtonte në partinë demokratike.
Profesor i njohur, urbanist i talentuar, njohës i shkëlqyer i problematikave të menaxhimit të territorit, thuajse i përplas derën politikës.
Sikur të ishte i vetmi. Numuroni se sa profesorë, arkitektë, shkencëtarë keni aktivë në politikë”, e nis shkrimin e tij akademiku Fuga.
STATUSI I FUGËS:
I fundit të fiki dritat në Koman!
Për kë bien këmbanat?!
Profesor Besnik Aliaj largohet nga funksionet e tij në departamentin që drejtonte në partinë demokratike.
Profesor i njohur, urbanist i talentuar, njohës i shkëlqyer i problematikave të menaxhimit të territorit, thuajse i përplas derën politikës.
Sikur të ishte i vetmi. Numuroni se sa profesorë, arkitektë, shkencëtarë keni aktivë në politikë.
Nuk janë indiferentë jo, por i përzë ajo që shohin, përjetojnë dhe mjedisi.
A ka vesh të dëgjojë partia demokratike? Apo do të mbytet në dhjetra deklarata njera më inatçore se tjetra, njera më pa logjikë se tjetra!
A ka vesh të dëgjojë politika?
Ndani postet, votat, pushtetet, pasuritë, intelektualët e kanë braktisur gjithnjë e më shumë politikën.
Ndani postet, votat, pushtetet, pasuritë, qytetarët vijnë gjithnjë e më pak në votime.
Ndani postet, pushtetet, pasuritë, votat, mediat, tenderat, koncesionet, pallatet, rinia braktis atdheun.
Merrini të gjitha, grinduni se kush e kishte fajin, bëni marrëveshje, mosmarrëveshje, përleshje, leshje, mallkoni, lavdëroni, hani, pini, qeshni, gjithçka është tuaja!
I keni të gjitha.
I gëzofshi!
Intelektualët, si votuesit, si rinia, si emigrantët po ikin !
I fundit të fiki dritat në Koman!
(E.K/SHUPLAKA)
