Kastriot Piroli pritet të jetë deputeti që do zëvendësojë për një periudhë katër mujore Armando Prengën, të cilit, iu hoq mandati në bazë të ligjit të dekriminalizimit.
Sipas ligjit Prenga do zëvendësohet nga emri pasues në ndodhet në listen zgjedhore. Sipas këtij rregulli radha i bie, Kastriot Pirolit. Por ky i fundit, sipas Gjykatës së Shkallës së Parë Kurbin, është deklaruar fajtor për veprën penale të “Shpërdorimit të detyrës” të parashikuar nga neni 248 i K.Penal, që në bazë të kësaj dispozite dënimi i tij është me 1 vit e 6 muaj burgim, shkruan opinion.al. Ish-drejtor i Hipotekës në Kurbin, është arrestuar më 11 Mars të 2015 me akuzën për falsifikim dokumentesh dhe shpërdorim detyre.
Por, në aplikim të nenit 59 të Kodit Penal kjo gjykatë urdhërohet të pezullojë ekzekutimin e dënimit me burgim, duke e vënë të pandehurin në provë për një periudhë kohe, provë prej 18 muajsh me kusht që gjatë kësaj kohe të mbajë kontakte me zyrën vendore të shërbimit të provës Kurbin.
Prokuroria ankimoi në Gjykatën e Apelit këtë vendim dhe kërkoi shfuqizimin e dënimit të dhënë nga Shkalla e Parë dhe kërkoi dënimin me katër vjet burg. Ndërkohë Apeli la në fuqi vendimin e Gjykatës së Shkallës së Parë, Kurbin.
(J.V/Shuplaka)
Discussion about this post