Largimi i pushuesve nga plazhet e Shëngjinit dhe Tales, ka rikthyer trafikun e rënduar në këtë fundjavë të parë të muajit korrik.
Që prej orës 19:00 është krijuar radhe km automjetesh dhe kaos në lëvizje nga Shëngjini deri në Milot. Në terren ndodhen forca të shumta të policisë rrugore të cilët janë vendosur në disa pika, për të ndihmuar sadopak në lehtësimin e lëvizjes së automjeteve.
Kjo është një situatë e vazhdueshme në rrugët e Lezhës gjate sezonit veror, pasi rrugët e ngushta dhe pa standarde nuk e përballojnë fluksin e lartë të automjeteve.
E njëjta situatë paraqitet dhe në akset e Jugut, kryesisht në qytetin e Vlorës, ku qindra pushues janë ankuar për trafikun kilometrik në zonën e Radhimës dhe hyrje daljet e qytetit.
Discussion about this post