Floriana Garo vetëm disa ditë më parë ka deklaruar se do të largohej nga “Tv Klan”, duke mbyllur edhe kështu emisionin “Jo vetëm modë”.
Moderatorja pak kohë më parë është fejuar me avokatin Enis Daci, i cili jeton prej vitesh në Zvicër dhe mesa duket kjo ka qenë një shtysë e madhe e që të merrte një vendim të tillë.
Dje në një shkrim në ‘Instagram’ Garo ka falënderuar të gjithë personat me të cilët ka punuar prej vitesh.
“Të dashur miq, “Jo vetëm modë” ka qenë eksperienca më lartësuese dhe përmbushëse në jetën time profesionale. Unë e nisa rrugëtimin tim në televizionin “Klan”, ndaj falënderoj me zemër Aleksandër Frangajn për mundësinë dhe besimin që më ofroi. Pa Bertin, Mirën, Dritanin, Xhezualdin, Kristin dhe me gjithë pasionin me të cilin ata e kanë ushqyer emisionin asgjë nuk do të ishte njësoj”, shkruan Floriana.
Më tej ajo shton edhe disa rreshta, ku tregon se do të nisë një kapitull i ri, të cilin e ka quajtur “një vendim aspak i lehtë”.
“Unë kam vendosur të nis një kapitull të ri në jetën time, sigurisht një vendim aspak i lehtë, por gjithçka në jetë mundohemi ta bëjmë për mirë. Jam e bindur që do të rishihemi në të ardhmen”, përfundon Garo. (J.V/Shuplaka)
