Në mbyllje të 2017-tës, ‘’Fax News” ka vendosur të ndajë bisedën në lidhje me zhvillimet ekonomike në vend me Dritan Shanon.
Shano u shpreh se 2018-ta do të jetë dhe viti i pastrimit të parave të drogës në vendin tonë, realizuar përmes dy mënyrave që janë: ndërtimet pa leje dhe PPP-të.
Po ashtu Shano u shpreh se çdo shifër e rritjes ekonomike deklaruar nga qeveria hidhet poshtë nga largimet e shumta të shqiptarëve nga vendi.
“Shifra 4 % që paraqet qeveria është aspak reale nëse kemi parasysh investimet e huaja si TAP në Shqipëri. Ajo që i vë vulën 2017-tës është numri i shqiptarëve që janë larguar nga vendi. Kjo rrëzon çdo shifër të qeverisë, është largimi i më të mirëve. Ata që mbeten këtu janë njerëzit me më shumë nevoja ekonomike.
Është më vizionare që të festohej lindja dhe jo vdekja e heroit tonë kombëtar. Unë mendoj se vitin e ardhshëm do të ketë një pastrim parash të drogës së kultivuar në vend, që do realizohet në dy forma. Përmes ndërtimeve pa lejeve, dher përmes të ashtëquajturit partneritet mes publikut dhe privatit.
Kjo është ajo që unë shoh se do të ndodh me ekonominë shqiptare gjatë vitit të ardhshëm”, u shpreh Shano.
Duke iu referuar largimit të ‘’Sheraton” nga Shqipëria Shano u shpreh se ky nuk është aspak një sinjal i mirë.
“Shifrat e investimeve të huaja përveç TAP-it dhe Devollit nuk janë të shumta. Kemi largime të rëndësishme nga Shqipëria, kujtojmë këtu dhe rrahjen e atij investiture të huaj.
‘’Sheraton” është një brand menaxhimi, i cili nuk merret me u mbush apo jo hoteli, është një mesazh shumë i keq që Shqipëria jep.
Ju dëgjoni shpeshherë do ulni taksat, do ulni taksat, për një invcestitor nuk mjafton ulja e taksave, është vetëm një komponent. Në momentin qe ti me aksione i vërsulesh biznesit atëherë sinjalet nuk janë pozitive”, u shpreh më tej Shano.
(E.K/FAXWEB)
Discussion about this post