Larje hesapesh mes trafikantëve, vdes shqiptari në Francë. Iu gjendet një shumë e madhe parash

Një shqiptar u qëllua me armë natën e së shtunësqë lamë pas  në zonën e Metz-Tessy (Haute-Savoie). 

“Le Parizien” shkruan se bëhet fjalë për një larje hesapesh mes trafikantëve të drogës. Sipas të njëjtave burime shqiptari u dërgua i plagosur rëndë në spitalin e Annecy. Pavarësisht përpjekjeve të mjekëve ai vdiq disa minuta më vonë.

“Le Parizien” shkruan se një shofer dërgoi në spital një shqiptar të dytë, gjithashtu të plagosur me armë. Një shumë e madhe parash u gjet në xhepat e shqiptarëve.

Hetuesit janë duke kryer hetime intensive. Për momentin flitet se bëhet fjalë për një zgjidhje llogarish që ka lidhje me trafikut e drogës. 

(E.K/FAXWEB)