Gjykata Kushtetuese ka refuzuar kërkesën e anëtarit të këshillit të Lartë të Prokurorisë dhe njëherësh ish-prokuror në Prokurorinë e Rrethit Gjyqësor Elbasan, Besnik Canit ndaj të cilit KPK ka vendosur në nëntor të 2018 konfirmimin në detyrë ndërsa kundër këtij vendimi Komisioni Publik 3 muaj më vonë ka paraqitur ankesë në KPA.
Vetë Cani kishte ankimuar trupën gjykuese që do të merrej me çështjen e tij pasi për njërin prej tyre (anëtar të KPA) se cënon integritetin e gjyqtarit. Në arsyetimin e Gjykatës Kushtetuese, kërkuesi si individ nuk mund të paraqesë drejtpërdrejt në GJK çështjen e tij.
“Kolegji vlerëson se kërkuesi nuk legjitimohet për objektin e kërkimit, prandaj dhe çështja nuk plotëson kriteret për kalimin në seancë plenare”, shkruehet në dokumentin e mëposhtëm të siguruar nga Fax News.
Cani e bëri këtë kërkesë pasi pretendon të pritet deri në shprehjen e GJKKO për kallëzimin ndaj dy antarëve të KPA, Ardian Hajdari dhe Luan Daci, të cilët i akuzon për falsifikim të formularit të aftësive profesionale.
Cani kishte depozituar një padi në Kushtetuese, ku kërkonte verifikimin e kushtetutshmërisë së zgjedhjes si anëtarë të KPA të dy gjyqtarëve të çështjes, Artan Hajdari dhe Luan Daci.
Ky i fundit është pezulluar pasi po hetohet për falsifikim dokumentash nga SPAK dhe nuk kryen dot detyrën e tij ndërkohë ai ka qenë pjesë e dhjetra proceseve në KPA për shkarkimin apo konfirmimin e gjyqtarëve dhe prokurorëve.
Discussion about this post