Ministri i Jashtëm rus Sergei Lavrov tha sot se njohja e Jeruzalemit si kryeqytet i Izraelit nga Shtetet e Bashkuara është në kundërshtim me të gjitha marrëveshjet e përbashkëta.
“Ky vendim i SHBA-ve e ka ndarë bashkësinë ndërkombëtare në dy pjesë tepër të pabarabarta”, tha Lavrov, në një konferencë shtypi në Vjenë, duke iu referuar një njoftim nga Presidenti i SHBA Donald Trump se Uashingtoni ishte duke njohur Jerusalemin si kryeqytetin e Izraelit.
“Tillerson kishte deklaruar se kanë dashur që me një hap të zgjidhin krizën izralito-palestineze dhe të vënë nënshkrimin në ‘marrëveshjen e shekullit’. Ne duam të dimë se çfarë marrëveshje është kjo”, ka thënë Lavrov.
Ai shtoi se vendimi i Trumpit për Jerusalemin ishte shumë befasues për të gjitha palët e përfshira në negociatat shumë të vështira.
“SHBA me këtë vendim vihet kundër të gjitha marrëveshjeve. Me këtë vendim bashkësia ndërkombëtare është ndarë në dy pjesë jo të barabarta”, ka thënë Lavrov.(M.Q/Faxweb)
Discussion about this post