Anëtari i Këshillit Kombëtar të Partisë Demokratike, Edvin Kulluri, ka dalë nga mbledhja pasi propozimi i tij për futjen në draft statut të ndryshimit të mandatit të kryetarit të partisë u hodh poshtë dhe gjithsesi nuk u pranua diskutimi i draftit të propozuar edhe nga kritikët krahas atij të përpiluar nga sekretari Arben Ristani.
Kulluri e quajti mbledhjen të pashpresë.
“Kjo sallë sot po e voton atë statut të propozuar pa e lexuar. Kjo është e rëndë sepse është e qartë se zoti Basha do ta miratojë atë draft. që është një frankeshtajn.” – tha Kulluri.
Ai argumenton pse sipas tij, drafti i propozuar nga Basha është një monstër.
“Së pari, zoti Basha do të jetë i përjetshëm. Nuk u fut në draft propozimi për shkurimin e mandatit të kryetarit
Së dyti, nuk do të ketë as kryetar të Këshillit Kombëtar dhe as kryetar të Kuvendit Kombër që do të kufizonin pushtetin e zotit Basha dhe që janë parime kushtetuese për të cilat PD lufton përditë në Parlament, kundër qeverisë.
Së treti, nuk u pranua të diskutohet analiza e zgjedhjeve të vitit 2017. Askush nuk mban përgjegjësi për humbjen e zgjedhjeve.
Shumica që duartroket, duke bërë kështu një veprim aspak të mirë sepse këtu nuk diskutohet personi, kryetari Basha, por e ardhmja e Partisë Demokratike, nuk duan që të ketë një bord financiar që të ketë kontroll mbi financat e partisë.
Është një mbledhje e kotë e pakuptimtë.” – ka përfunduar deklaratën e tij Edvin Kulluri.
(E.L./Faxweb)
Discussion about this post