Politikania franceze e ekstremit të djathë, Mari Le Pen, ka thënë se është ndjerë e shokuar me trajtimin që i është bërë presidentit të Serbisë, Aleksander Vuçiç, gjatë ceremonisë së organizuar në Francë për nderë të triumfit në Luftën e Parë Botërore.
“Isha shumë e shokuar me mënyrën se si u trajtua të dielën presidenti i Serbisë, përderisa presidenti i Kosovës, një shtet që nuk kishte ekzistuar përgjatë viteve 1914 dhe 1918, ishte prapa Emmanuel Macronit. E në këtë luftë Serbia kishte humbur shumë njerëz”, ka thënë Le Pen në një intervistë për France Inter, shkruan Express.
Lidhur me këtë çështje ka folur edhe ambasadori i Francës në Beograd, Federico Mandolini.
Ai ka kërkuar falje për trajtimin që i ishte bërë Vuçiçit në këtë ceremoni, ndërsa kishte thënë se gjithçka ishte një ngatërresë në protokoll. (B.H/Faxweb)
Discussion about this post