Ditën e somtme kreu i Partisë Demokratike, Lulzim Basha po zhvillon një takim me qytetarët në Vlorë. Në këtë takim Basha po bashkëbisedon me sipërmarrës dhe operatorë turistikë për të ndarë me ta planin për një ekonomi të fortë për këtë qytet.
Por në një moment një prej qytetarëve, punonjës i ARMO-s, tha publikisht se kush qëndron pas ARMO-s, punonjësit e së cilës prej muajsh nuk marrin pagat.
Qytetari i revoltuar tha se punonjësit kanë 20 muaj pa marrë rrogat. Sipas tij pas ARMO-s qëndron vëllai i kryeministrit Edi Rama, Olsi Rama. Po kështu ai akuzoi edhe ndërkohë që akuzoi se ministri i Energjitikës, Damjan Gjiknuri po i mashtron për pagat.
“Kemi 20 muaj pa marrë rrogat, na mashtron Damjan Gjiknuri, askush nuk e ka ngritur këtë çështje në parlament. Kush e ka marrë ARMO-n?, e ka marrë Olsi Rama, ja po e them publikisht, le të më pushkatojnë mua. Të lutem na ndihmo në këtë drejtim”, tha qytetari Faruk Hajo. (J.V/Shuplaka)
