Kryeministri Edi Rama ishte sot në Zvicër, ku është takuar me Presidente e Konfederatës Doris Leuthard, me të cilën ka nënshkruar dy marrëveshje bashkëpunimi, për arsimin profesional dhe zhvillimin rajonal.
Mirëpo, përveç marrëveshjeve të firmosura”, gazeta zviceriane në gjuhën frënge “Le Temps” shkruan për një incident midis Ramës dhe një gazetari zvicerian.
“Le Temps mori avantazhin e konferencës për shtyp t’i kërkojë kreut të qeverisë Socialiste të Shqipërisë, së çfarë mendonte mbi vendimin e Zvicrës për t’i dhënë azil një ish-polici, tani i persekutuar në vendin e tij, dhe në qoftë se çështja ishte ngritur gjatë diskutimeve.
‘Gazetarët janë të njëjtë në Zvicër dhe Shqipëri, kjo është fantastike!’ Ai u përgjigj me ironi, duke refuzuar të komentojë mbi rastin.”, shkruan gazeta.
Në takimin e sotëm, u diskutua për ecurinë e bashkëpunimit dypalësh dhe çuarjen përpara të tij në fusha me interes të veçantë për vendin si energjia, turizmi dhe arsimi profesional. Në përfundim të takimit, në prani të Kryeministrit Rama dhe Presidentes Leuthard u nënshkruan dy marrëveshje bashkëpunimi, marrëveshja në fushën e arsimit profesional dhe ajo për zhvillimin rajonal. Mirëpo me këtë reagim, nuk mund të thuhet se Rama po çon përpara bashkëpunimin me Zvicrën. (D.D/Shuplaka)
[ngg_images source=”galleries” container_ids=”1468″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post