Prej dy ditësh mediat dhe rrjeti po zien nga një video e kryebashkiakut të Bulqizës, Lefter Alla, i cili është filmuar në një ambient lokali duke konsumuar kokainë.
Pavarësisht se vetë Alla deklaron se video është montazh i prodhuar nga PD, dhe në bashkëpunim me biznesmenë të minierave në Bulqizë, pakkush e vë në diskutim vërtetësinë e pamjeve.
Mirëpo disa prej socialistëve që kanë qenë sot në Komisionin e Ligjeve, shprehen se përgjegjësia e Allës është personale.
Kreu i Komisionit të ligjeve Ulsi Manja është shprehur për gazetaren e Fax Nees Eksiola Shehu se: Përgjegjësia është individuale, PS është e qartë në vullnetin e saj që në ditën që ka votuar ligjin e dekriminalizimit.
Ndërkohë që për habinë e të gjithëve ka dhe socialist që nuk e kanë parë fare videon, si deputeti i qarkut të Beratit Adnor Shameti.
Shameti: Nuk kam koment, nuk e kam parë videon. Përgjegjësia juridike eshte përgjegjësi personale.
Nga ana tjetër ministri Majko nuk pranoi të komentonte videon e kryebashkiakut Alla.
Discussion about this post