Lefter Koka i ftuar në “Koha për t’u zgjuar” ka theksuar se të anëtarët e LSI-së po dhunohen nga eskponentë të PS-së dhe kjo është diçka e papranueshme. Më tej Koka ka nënvizuar që sonadazhet e publikuara deri më tani janë jashtë realitetit dhe jashtë çdo parashikimi.
“Rasti në flagrant ishte kur u godit nga një njeri i papërgjegjshëm dhe na bëri të gjithëve të ndiheshim shumë keq. Kemi dashur të komunikojmë edhe me eskponentë të PS-së. Votën mund ta fitosh vetëm nëse i shërben dhe nëse nuk fiton duhet të përplasesh me veten dhe jo me ata që nuk të kanë votuar. Të mos ndalemi me presionin që i bëhet administratës. Jo vetëm në qarkun e Durrësit por rezultati LSI-së do të jetë spektakolar.
Përsa i përket sondazheve janë totalisht të manipuluara , më vjen keq edhe ata që bëjnë këtë detyrë. Ajo ç’ka po ndodh me LSI-në është një parashikim jashtë realitetit. Në Durrës LSI është forcë e parë pasi është bërë një punë me të vërtetë kolosale. Është shkuar në çdo derë për të dëgjuar problematikat.”, u shpreh Lefter Koka. (J.V/Shuplaka)
