Lefter Maliqi dorëzon në KQZ formularin e dekriminalizimit duke zyrtarizuar kështu dhe hyrjen e tij në Kuvendin e Shqipërisë. Lefter Maliqi është kandidat në listën e Partisë Demokratike për qarkun e Beratit. KQZ sot u jep mandatin dhe 4 kandidatëve të LSI-së.
Lefter Maliqi u fut në listën e kandidatëve demokratë të Beratit, i treti në radhë, ndërsa një muaj para zgjedhjeve të përgjigthsme parlamentare 2017 deklaroi ndarjen nga PD kur befasoi të gjithë në një miting të PS-së në Berat ku u kërkoi votuesve të votonin këtë të fundit.
Gjithashtu asokohe ai foli dhe për çarjen e marrëdhënieve me Lulzim Bashën pasi kërkonte të ishte së paku i dyti në listën e kandidatëve të PD-së në Berat, mandat i ashtuquajtur “zonë e sigurt”.
Pak muaj më pas Lefter Maliqi u emërua nga maxhoranca socialiste zv.drejtor i Përgjithshëm i Burgjeve.
Pas miratimit nga KQZ, Lefter Maliqi do të jetë zyrtarisht deputet i Kuvendit të Shqipërisë, por për partinë për të cilën bëri antifushatë në zgjedhjet parlamentare të 2017-s.
