Kanë dalë detaje të reja nga Prokuroria e Krimeve të Rënda lidhur me arrestimin e katër policëve të pikës kufitare të Qafë-Thanës, në lidhje me 8 tonët e kanabisit sekuestruar në Ankona.
Sipas grupit hetimor një nga policët shihet në kamerat e sigurisë së doganës së Qafë-Thanës duke hyrë në kamionin që trasportonte drogën, shkruan Tv Klan.
Fillimisht ai shihet duke marrë ose duke lënë diçka nga pamjet. Ndërkohë, që shoferi maqedonas i arrestuar në Itali shihet duke komunikuar me shpesh me katër policët e prangosur.
Duhet thënë që ditën e hënë para gjykatës së krimeve të rënda të arrestuarit mohuan akuzat. Sipas tyre kontrolli i mjetit duhej të kryhej nga punonjësit e doganës. Përsa i përket sistemit TIMS policët mësohet të kenë deklaruar se në datë 4 shkurt kur kamioni ka kaluar në Qafë-Thanë nuk punonte.
(J.V/Shuplaka)
Discussion about this post