Është ndaluar nga policia Përgjegjësi i Sektorit të Ruajtjes dhe Administrimit të Parkut Arkeologjik të Apollonisë, Arjan Dimo, 43 vjeç, banues në Pojan të Fierit. Ai akuzohet se lejoi kryerjen e gërmimeve të paligjshme.
Gjithashtu, ka nisur procedimi penal ndaj Drejtorit të Parkut Arkeologjik të Apollonisë, shtetasit M. Haxhimihali dhe ndaj punonjësit Q. T.
Mbi këta shtetas rëndon vepra penale e “shpërdorimit të detyrës”. Ata akuzohen se lejuan të vidheshin objekte me vlerë arkeoligjike, zhdukja e të cilave cenon trashëgiminë kulturore të vendit.
Materialet i kaluan Prokurorisë për veprën penale të “shpërdorimit të detyrës”.
Dy persona u vunë dje në pranga nën akuzën e vjedhjes së 230 objekte të lashta në ambjentet e Apollonisë, të cilat do t’i rikthehen Ministrisë së Kulturës. (XH.A/SHUPLAKA)
Discussion about this post