‘’Lekët janë zhdukur’’, Tahiri akuzon Dervishajn apo paraardhësin e tij në krye të transporteve?

Jemi kohë fushate dhe shohim që sulmet vinë nga të gjithë kundër të gjithëve.

Herë me emra dhe herë të tjera pa emra, secili prej kandidatëve kërkon që përmes sulmit që iu bën të tjerëve të maksimalizojë fitoren e tij.

Pas përplasjes në distancë mes Erion Braçes dhe ministrit të Transporteve të LSI-së, Sokol Dervishaj, Saimir Tahiri ka një thumb për gjendjen e rrugëve.

Por enigma mbetet që akuzat t’i drejtohen Dervishajt, apo ndonjërit prej  ministrave që kanë mbajtur në qeveri të mëparshme këtë post?

‘’Ndroq, mendoja ishte barcaletë por qenka e vërtetë. Rruga e Kërcukjes është paguar prej vitesh nga Ministria Transporteve, e sot nuk ka asnjë metër asfalt. Asnjë metër!!!Leket janë zhdukur me sukses, hetimet janë mbyllur me po aq sukses’’, shkruan Tahiri.

Deri sa vetë Tahiri të bëjë një koment më shumë, do na duhet që të presim sa të vijnë replikat.

(E.K/SHUPLAKA)