Lëkundjët e tërmetit në vendin tonë janë bërë të përnatshme, vetëm se këtë herë, ndryshe nga java e kaluar ato kanë goditur veriun e Shqipërisë.
Sipas Institutit të Gjeoshkencave lëkundja e parë ka ndodhur në orën 4:55, në Reps të Mirditës.
Ky tërmet ishte me magnitudë 2.7 ballë dhe një thellësi 5 kilometra. Në orën 5:08 është ndjerë lëkundja e dytë, e fuqishme. Epiqenda ka qenë sërish në Reps, me magnitudë 4.2 ballë dhe me një thellësi 3 kilometra.
Po ashtu edhe në orën 5:57 është ndjerë një tjetër lëkundje, me magnitudë 2.7 ballë dhe një thellësi 2 kilometra. Epiqendra e tërmetit ka qenë sërish në Reps të Mirditës.
Tashmë dihet se mesdheu dhe më konkretisht hapësira gjeografike e Shqipërisë, Greqisë dhe Italisë janë zona me intensitet të lartë sizmik, dhe frika për një goditje me magnitutë të lartë po bëhet gjithnjë e më e fortë.